Հուլիս ամսվա ստատիստիկա

Անվտանգ ողջույն CAM.Armenia-ից, մենք ներկայացնում ենք հուլիս ամսվա որոշ ստատիստիկ տվյալներ: Քանի որ օգոստոսի 1-ին մեծ հոսք եղավ, այդ օրվա տվյալները նույնպես միացնում ենք հուլիս ամսվա տվյալներին:

Եվ այսպես, ընդհանուր առմամբ AM զոնայում կոտրված կայքերի քանակը հուլիսի 1 - օգոստոսի 1(ներառյալ) միջակայքում կազմել է 77:


Վախենալ պետք չէ, քաջալերելու փոքրիկ նշույլ ունենք: Նույն ժամանակահատվածում կոտրվել են ադրբեջանական 23 կայք, որից երկուս կոտրվել է հայերի կողմից, կամ ինչոր "pa$tuX_Kill3r" խմբի կողմից, որը հայամետ է: Ամեն դեպքում գրվածքը հայերեն է եղել:

Ինչ վերաբերում է մեր 77 կայքերին, դրանցից 18-ը գրանցված են ոմն փարիզի քաղաքացու անունով:

Հատուկ ուշադրության են արժանի հուլիսի 11-ի, հուլիսի 18-ի,  հուլիսի 28-ի, հուլիսի 31-ի և օգոստոսի 1-ի կայքերը:

Հուլիսի 11`   կոտրված 6 հայկական կայք, որոնցից 4-ը միևնույն սերվերի վրա: Ընդ որում նույն օրը նույն սերվերից կոտրվել են այլ հարյուրավոր կայքեր: Մյուս երկուսը պետական մակարդակի կայքեր են: Նույնիսկ երկուսը չեն, այլ միևնույն կայքն է` վերահասցեավորումով:

Հուլիսի 18`  կոտրված 7 հայկական կայք, 7-ն էլ տարբեր սերվերների վրա:

Հուլիսի 28`  կոտրված 17 հայկական կայք, որոնցից 12-ը միևնույն սերվերի վրա էին:

Հուլիսի 31`  կոտրված 33 կայք, որոնցից 18-ը միևնույն դոմեյնի ենթադոմեյններ էին, իսկ մնացալ 15-ից 14-ը միևնույն սերվերի վրա են եղել: Ընդ որում այս սերվերի վրա եղել են բազմաթիվ RU զոնայի կայքեր, որոնց թվում կային նաև որոշ հայկական անվանումներով դոմեյններ: Վերջիններիս վերաբերյալ ստատիստիկա, ցավոք, չենք ներկայացնի մեր աշխատանքի սկզբնական շրջանում:

Օգոստոսի 1`  կոտրված 6 հայկական կայք, բոլորն էլ միևնույն սերվերի վրա:

---

Եզրակացություն`

Հուլիս ամսվա տվյալները ցույց են տալիս, որ

1. Հարձակումները հիմնականում լինում են ոչ թե առանձին կայքերի, այլ ընդհանուր սերվերի վրա: Այս պարագայում կայքի ստեղծողի կամ տիրոջ մեղքը կարող է զրոյական լինել, եթե հաշվի առնենք, որ դեպի սերվեր մուտք հնարավոր է ստանալ նույն shared հոսթինգ սերվերի այլ կայքերից:
2. Հայ վեբ մասնագետները, ցավոք, չեն պատասխանում մեր զգուշացնող նամակներին, բայց հուսադրող է այն փաստը, որ 90% դեպքերում հետքերն արագ վերացվում են: Արդյոք դա մեր շնորհիվ է կամ ոչ, դա արդեն այս պահին երկրորդական է: 
3. Կան որոշ հայկական կայքեր, որոնց ադմինիստրատորներին անհնար է գտնել` երբեմն նրանց email-ը գոյություն չի ունենում, երբեմն լցված է, երբեմն էլ ուղղակի անհնար է գտնել նրանց կոնտակտային email-ը: Այստեղից հետևություն, որ երբեմն անհրաժեշտ է լինում ծանոթի-ծանոթի-ընկերոջ միջոցով գտնել կայքի տիրոջը:

Հարգելի մասնագետներ, էնտուզիաստներ և պարզապես հետաքրքրվող անձինք, միացեք մեր խմբին, և մեր աշխատանքն ավելի արդյունավետ, արագ և օգտակար կլինի:

Հ.գ.

Շուտով թիմը կսկսի հրատապ դեպքերում նաև զանգահարել կայքի կոնտակտային տվլաներում գրված համարներով, հուսով ենք մեզ չենք ընդունի որպես հակեր :)

Անվտանգ եղեք...

Posted in: am zone,pa$tuX_Kill3r,security,անվտանգություն,կոտրված կայքեր,հակեր,հաքեր,մոնիտորինգ թիմ